“Balmasedakoa munduko granaila plantarik modernoena izango da”

Granaila ekoizpenean munduko liderra den Winoak 20 milioi euro inbertitu berri ditu Espainiako fabrika berri batean. Taldearen hamaikagarren fabrika da.

Le Dauphinen egindako elkarrizketa batean, Pierre Escolier Winoako zuzendari nagusiak azaldu duenez, “Munduko granaila plantarik modernoena izango da, aztarna ekologiko guztiz optimizatuta”.

Balmasedako plantak ekoizpen-teknika modernoenak erabiliko ditu bere ingurumen-aztarna murrizteko: arazte-sistema bikoitza instalazioaren barruan eta kanpoan giro garbia bermatzeko, beroa berreskuratzeko ekipoak, sentsore adimendunak, ura tratatzeko instalazio bat eraginkortasun-estandar handienekin.