Bizkaiko Teknologia Parkeko 801 eraikinean (Derion) administrazio eta laborategi erabileretarako lokalaren berritze proiektua

Maratek-ek Bizkaiko Teknologia Parkeko 801 B eraikineko bigarren solairuan kokatutako 600 m²-ko lokal baten barne-erreformarako exekuzio-proiektua idazten ari da, Oncomatryx Biopharma S.L. enpresarentzat.

Proiektuaren helburua da espazioen birbanaketa egitea bulego berriak, bilera-gelak, laborategiak eta office bat sortzeko. Horretarako, egungo trenkadak, zoladurak, estaldurak eta sabai faltsuak aldatuko dira, baita instalazio mekanikoak, elektrikoak eta bereziak ere (suteen aurkako babesa, saneamendua, ur-hornidura, klimatizazioa, haizetapena, elektrizitatea eta instalazio bereziak).

Maratek-ek hasierako planoen altxamendua egiten du lokalaren egungo egoeraren inguruan, bai arkitekturari dagokionez, bai instalazioei dagokienez. Helburua da bezeroaren beharren arabera banaketa-aldaketa proposamen batzuk aurkeztea.

Behin gauzatu beharreko banaketa erabakita, Exekuzio Proiektuaren dokumentazioa garatzen da, eta horrekin Derioko Udalari dagokion obra baimena eskatzen zaio. Lokalak jarduera aldaketarik jasaten ez duenez, ez da beharrezkoa jarduera-memoria berriro aldatzea; izan ere, memoria hori Maratek-ek idatzi eta aurkeztu zuen jada Derioko Udalean 2018. urtean.

Udalak obra baimena emateko prozesuarekin paraleloan, Maratek kontratazio-kudeaketa burutzen du, obraren exekuzioa egingo duen kontratista hautatzeko helburuz. Horretarako, aurrekontuak eskatzen dizkie hainbat enpresari eta konparatibo bat prestatzen du, bezeroak azken erabakia har dezan.

Obrak hasi ondoren, Maratek obra-zuzendaritza eta exekuzio-zuzendaritzako funtzioak betetzen ditu, eta laneko segurtasun eta osasunaren koordinazioa kudeatzen du. Zuzendaritzako lanek barne hartzen dute obraren kalitate- eta kantitate-kontrola, eta, amaieran, obraren azken dokumentazioa prestatzen da. Dokumentazio hori bezeroari entregatuko zaio eta Derioko Udalean erregistratuko da, lanak ofizialki amaitzeko.